Nagsagibo liwat nin demo o simex an Philippine National Police (PNP) sa pangengenot ni PNP Chief PGen. Nicolas Torre III katuwang si
Department of Interior and Local Government (DILG) Secretary Jonvic Remulla kasuodma, Hulyo 16 sa mismong PNP Command Center.
Nagkapira sana sa mga naporbarang dumanan na lugar sa nagin simex iyo an Barangay Sta Cruz, sa Mexico Pampanga, Barangay Talon Singko sa Las Pinas City asin Davao Oriental.
An nagin simex an konektado pa man sa plano kan Pambansang Pulisya asin kan DILG na gibuhon unified an pagpapautob kan 911 emergency hotline.
Apwera man sa mga police emergencies, pwede na man mag-apod sa 911 kun igwang mga emerhensiya na igwang koneksiyon sa health issues siring kan mental health, mga report sa trapiko asin mga krimen na nangyayari sa laog kan harong o maski sa komunidad.
Mientrastanto, piglalaoman man na magigin fully operational na an unified system kan 911 emergency hotline sa panduwang semana kan Agosto ngunyan na taon.
