Papaigtingon pa orog na an higot ka seguridad sa mga security operations kan Philippine National Police (PNP) para sa maabot na pasko asin bagong taon pati na man an mga pwedeng ikasang rally na igwang kaugnayan sa impeachment cases kontra ki Vice President Sara Duterte.
Sa iniluwas na pahayag ni PNP Chief Police Gen. Rommel Francisco Marbil, an paghihigot nin seguridad an para soboot sa kasalbaduhan kan publiko asin tanganing malikayan an mga dae piglalaomang krimen sa lansangan.
Dugang pa kan hepe sa saiyang pahayag, ini man an para sa mga planong rallies kan pirang mga grupo sa nagpapadagos na ulayan sa impeachment cases kontra VP Sara.
Mientrastanto, kabali man sa mga gigibuhong operasyon kan pamayuhan kan PNP an pagdudugang kan ga nakatalaga sa on-ground security, paghihigot sa operations against cybercrime, asin pirang mga emergency operations.
