Nagpatanid liwat an Philippine National Police (PNP) sa mga private security training agencies kontra sa paggamit nin ladawan o representasyon kan mga pulis sa saindang mga ads asin promotional materials.
Saro ini sa nilalaog kan Memorandum Advisory No. 020 na pinagluwas kan Mayo 27, 2025, na nagbabawal sa paggamit nin ladawan kan mga naka-uniporme o dai naka-unipormeng pulis sa flyers, brochures, banners, asin online posts tanganing malikayan an salang impresyon nin suporta o koneksyon sa PNP.
Pig-abisuhan kan PNP Supervisory Office for Security and Investigation Agencies (SOSIA) an mga training agency na halion an mga siring na materyales asin magsunod sa tamang paggamit kan police insignia asin uniporme.
Nagpatanid man an PNP na puwedeng suspenderon o bawi-on an lisensya kan mga agencies na dai masunod sa nasambitan ng panundon.
