Nagpautob nin balasahan an Philippine National Police sa tulong heneral sa saindang organisasyon.
Ini an susog man sa nagin direktiba ni Philippine National Police (PNP) Chief, PGen. Rommel Francisco Marbil. Segun sa PNP, ngunyan na aldaw an epektibo na an pagtukaw ni PBGen.
Anthony Aberin komo bagong direktor kan National Capital Region Police Office. Si Aberin an nagribay ki PMGen. Sidney Hernia na matindog na lider kan Area Police Command – Southern Luzon.
Nagsirbi si Aberin komo Regional Director kan Police Regional Office 7 sa Cebu antes ini naibugtak sa NCRPO. Mientrastanto, ni re-assign man si PMGen. Ronnie Francis Cariaga sa Area Police Command – Northern Luzon na dati an yaon sa PNP Anti-Cybercrime Group.
Kun marurumduman, pinatawan kan PNP nin Administrative Relief sinda Hernia asin Cariaga makalihis an pigkasang operasyon sa sarong scam sa syudada sa Maynila huli pa man sa reklamong iregularidad.
Mabalik man komo lider kan Police Regional Office 12 si PBGen. Arnold Ardiente gikan sa PNP Academy.
