NAGA CITY- Pigpuonan na kan Philippine National Police an pagpreparar para sa isasagibong eleksyon sa masunod na taon sigun ki PNP chief Gen. Rommel Marbil.
Katakod kaini, mapautob an pambansang pulisya nin mga measure siring kan paglalaog nin mas kadakol na mga checkpoints, pagsasagibo nin mas kadakol pang police operations asin pagsasagibo nin mga programa tanganing palangkawon an kaaraman kan publiko asin maenkaminar sindang ireport an mga kahina-hinalang aktibidad.
Kasunod na man kan direktiba na matalaga nin 85% kan kapulisan sa field o tinampo, mapakuriyat man an PNP nin dugang na resources asin personahes sa nasambitan ng election areas of concern.
Kabali man an pagpapautob kan checkpoints asin pagpapatrolya sa critical areas, pagpapaigting kan intelligence operations kontra sa private armed groups asin illegal drug trade asin pagpapautob kan mas mahigot na lakdang kan PNP-Civil Security Group and the Firearms and Explosives Office para ma-account an lehitimo asin loose firearms sa high-risk areas.
Mientrastanto, pig-enkaminar man kan PNP chief an publiko na makipagtabangan sa mga awtoridad sa paagi kan pagheheras nin impormayson na makakatabang tanganing matunton asin madakop an mga embwelto sa mga ilegal na aktibidad.
