Pigsierto kan Philippine National Police (PNP) na nakapreparar an saindang puwersa para magtabang sa mga maapektaran kan tigil-pasada kan nagkapirang grupo nin transportasyon ngunyan na aldaw.
Segun ki Pcol. Allen Rae Co kan PNP Public Information Office (PIO), magtatao an mga kapulisan nin libreng sakay para sa mga pasaherong mayo nin masakyang pampubliko.
Nakakalat man an saindang puwersa tanganing magtao nin seguridad sa mga lugar kun sain nagtitipon an mga drayber.
Labi sa 8,000 na kapulisan an ipinakalat, asin sinabi kan opisyal kan pulisya na dai man gayo nagkaigwa nin dakulang epekto an nasabing tigil-pasada kan mga grupo nin transportasyon.
Advertisement
Advertisement
