Maabot sa 2,765 na mga pulis an nadisiplina kan Philippine National Police makalihis an saindang pagkaimbwelto sa manlaen-laen na kaso kan 2024.
Sa sarong pahayag, sinabi ni PNP Chief Police General Rommel Francisco Marbil na an lakdang na ini nagpapahiling sana kan epektibong implementasyon kan internal disciplinary mechanisms sa laog kan saindang hanay.
Segun sa datos na ipinaluwas kan PNP, maabot sa 5,457 personnel kan PNP an nahahampang sa reklamo huli sa mga kaso na imbuelto ninda kan nakaaging taon.
Hale sa bilang na iyan, may total na 3,551 an nasunadan kan administrative case asin man 2,691 an naabsuelto.
An suspensyon pigsunad man sa 1,112 na mga opisyales kan pulis, kabali an sarong Colonel, 19 na mga Tenyente Colonel, 29 na mga Majors, 30 na mga Captains asin 22 na mga Lieutants.
Dagusan man na napasikad sa saindang pwesto an nasa 903 police officers huli sa pagkaimbwelto sa manlaen-laen na kaso.
