Maogma man an Philippine Olympic Committee (POC) sa nagin resulta kan performance kan Pilipinas sa katatapos na 33rd Southeast Asian Games.
Sigun ki POC president Abraham ‘Bambol’ Tolentino, na maski dae nalampasan an kan nasyon an dating medalyang naipuli asin an pagbaba kan ranking na gikan sa pang-lima an naging pang-anom na ngunyan na taon, nagtitinir na kuntento sinda.
Sa pagtatapos kaya kan torneo kan nakalihis na Sabado, igwa ining nahakot na 50 gintong medalya, 73 silver asin 154 na bronze medals.Kumparar kan duwang taon na pigkundusir sa Cambodia na igwang 58 gold, 85 silver asin 117 bronze medals.
Dugang pa ni Tolentino, na trayumpo na maikokonsederar ini huli ta igwang mga record na napasa an mga atleta kan nasyon kun saen dinaog kan mga Pinoy an atleta kan Thailand asin matrayumpo na naidepensar kan nasyon an sadiring kawat.
Marurumduman, igwa na sanang 10 nasyon an nagpartisipar sa nasambitan ng torneo makalihis an pag-atras kan Cambodia huli sa nagin kariribukan ninda kan Thailand sa border.
