Aram baya nindo mga ka-bombo, nakatalaan na ipabakal sa auction an gold pocket watch na narekober gikan sa lawas kan sarong pinakamayamang pasahero kan naglubog na Titanic.
An relo an pagsasadiri ni Isidor Straus kun saen kaibahan kaini an agom na si Ida sa labi 1,500 na katawo na binawian nin buhay makalihis na maglubog an barko gikan sa Southampton pasiring New York kan Abril 12, 1912.
Narekober an saiyang lawas gikan sa Atlantic pirang aldaw makalihis an aksidente kun saen nakua sa saiya 18 carat gold Jules Jurgensen pocket watch.
Sigun ki Auctioneer Andrew Aldridge na mapuon an auction sa Nobyembre 22 kun saen piglalaoman na mababakal ini nin labi P76 milyon.
Si Strauss an sarong Bavarian-born American na negosyante na co-owner kan Macy’s Department store sa New York.
Pinagtutubudan na regalo ini kan saiyang agom kan 1886 na igwang naka-engraved na Straus initials.
Naibalik ini sa saiyang pamilya hasta naipasa sa mga henerasyon antes na ipinapakarhay ni Kenneth Hollister Struss, an great-grandson ni Isidor.
Kaibahan kaining i-auction an surat ni Ida mantang nakalunad sinda sa Titanic na pigsasambit an kantedad kan relo.
