Nagpatanid an Japan Meteorological Agency nin “agarang peligro sa buhay,” mantang an nagkapirang warning ibinaba na an level asin an abiso nin peligro sa buhay na ini para sa Oshima Town.
Huli sa makusog na duros, labi sa 50,000 na tawo an nawaraan nin kuryente. Mientrastanto,kinanselar an ginatos na flight asin sinuspinde an serbisyo nin tren.An Bagyong Dujuan may duros na 130 kilometro kada oras (80.8 milya kada oras), asin an mga bugso nin pagduros umabot sa 194 kilometro kada oras.
Ini an pinakahuri sa serye nin mga bagyo sa Pacific na nagin mas makusog dahil sa “super El Niño,” na nagpainit sa karagatan asin nagpakusog sa pagbilog nin mga bagyo.An Dujuan, na ika-25 na bagyo sa Japan sa taon na ini na naeksperienciahan sa laog kan limang aldaw na holiday asin nagresulta sa pagkanselar nin nagkapirang mga aktibidad.An mga concert na nakatakda kasuudma aldaw nin Lunes sa Rock in Japan music festival kinanselar, habang kinanselar man an programa kan kasuudma sa Tokyo Game Show, an convention para sa mga video game.
An Prime Minister kan Japan na si Sanae Takaichi, base sa mga report, ipinagpaliban an pagbiyahe sa United States tanganing mamonitor an epekto kan bagyo.Nakatalaan kuta na mag-abot ini sa New York nguian na aldaw nin Martes para makipagmiting ki US President Donald Trump asin magtaram sa UN General Assembly.
