Parehong itinanghal na Best Actress in a Leading Role sa Cinemalaya ngunyan na taon sina Pokwang asin Ruby Ruiz.
Si Pokwang, na an tunay na pangaran na Marietta Subong, ay nangana para sa saiyang pagganap sa “Two Valid IDs,” mantang si Ruby naman an pinarangalan para sa pelikulang “Status: Rejected.”
Sa saiyang acceptance speech, pinasalamatan ni Pokwang an saiyang mga magurang, an buong Cinemalaya team asin an mga bumuo kan “Two Valid IDs.”
Nagpasalamat man siya sa mga parasubaybay na padagos na sumusuporta sa mga pelikulang Pilipino, sa ibong kan sakit kan buhay.
Nagtao man siya nin mensahe na pag-laom sa mga inaapod niyang mga “Sylvia” asin sa gabos na Pilipino.
Mientrastanto, sinabi man ni Ruby na napaka importante sa saiya an Balanghay trophy, huli sumisimbolo ini sa matinding pagsisikap kan mga filmmaker asin artista.
Sa saiyang acceptance speech, pasubang sinabi ni Ruby an: “Status: Accepted!”
Bukod sa Best Actress award, nangana man an “Two Valid IDs” nin Audience Choice Award asin Special Jury Prize.
Mientrastanto, nakua naman kan “Status: Rejected” an NETPAC Jury Award.
