NAGA CITY- Naggigibo na suboot ngonyan an National Youth Commission (NYC) nin policy recommendation para maamyendara an anti-political dynasty provision na nakapalaog sa Republic Act no. 10742 o an Sangguniang Kabataan (SK) Reform Act.
Sa entrevista kan Bombo Radyo Naga ki Sheridan Gajete, SK Secretariat kan NYC, pigtuga kaini na igwa nin ‘gray area’ sa nasambitang ley partikularmente na an nakapalaman sa Chapter 2, Sec.10 kun saen sinasabi digdi na pigpapangalad na magdalagan sa anuman na SK Positions an mga igwa nin kaparyentes na incumbent elected government officials hasta sa second civil degree of consanguinity or affinity.
Nagluluwas na kun bakong incumbent elected official an kaparyentes kan sarong nagkandidato sa SK Position asin pareho sindang nanggana sa eleksyon, pwede sindang sabay na magtukaw sa pwesto.
Katakod kaini, hagad kan NYC na maamyendaran an nasambitang ley asin mas pahewason pa an sakop kaini hasta sa fourth civil degree of consanguinity or affinity para masierto na mawawara na an political dynasty sa nasyon.
