Liwat na inungkat ni dating Presidential Spokesperson Harry Roque an kontrobersiyal na ‘polvoronic video’ kasunod kan mga naenot na pahayag ni Presidential sister, Sen. Imee Marcos dapit sa soboot paggamit ni Presidente Ferdinand Marcos Jr., nin iligal na droga.
Sigun ki Roque, si Sen. Imee mismo an nagpatotoo sa laog kan nasambitan ng video kasunod kan saiyang mga pahayag.
Malinaw soboot na kun sisay an nagpalakop kan nasambitan ng video an igwang personal na kaaraman sa nangyari, asin ini an sarong ‘tunay’ na video footage.
Pigbalikan man ni Roque an soboot panggigipit ngunyan sa saiya kan administrasyong Marcos huli sa nasambitan ng video kun saen saro ini sa mga pigtutukdong nagpapalakop, kaibahan an vlogger na si Maharlika.
Sa ibong na banda, enot nang pinatotoohan kan manlaen-laen na ahensiya asin independent body na peke an polvoron video na enot ng naglakop kan nakalihis na July 2024.
Mahihiling sa nasambitan ng video an sarong lalaki na kalawgon ni Presidente Marcos na soboot nagsisinghot nin puting kemikal.
Kaibahan sa mga nagsagibo kan forensic asin AI analysis sa nasambitan ng video iyo an National Bureau of Investigation (NBI), Philippine National Police (PNP), Department of Information and Communications Technology (DICT), asin magin an Department of Justice.
Magin an India-based firm na Misinformation Combat Alliance (MCA) an tinukoy man an nasambitan ng video komo peke.
