Nagpahayag nin pagkahandal an Commission on Population and Development (CPD) sa nagdadakol na numero kan mga kaso kan mga aking nababados.
Sa pagdangog kan Senado, sinaysay ni PopCom Deputy Executive Director Lolito Tacardon, nakakamundo na igwa nin nairehistro na live birth na sarong 8-anyos sa Sulu kan 2023.
Sa pareho man na taon, naikurit man sa Civil Registry and Vital Statistics an 11,497 live births sa mga edad 10 hasta 15-anyos mantang 54,510 live births sa mga 17 anyos pababa, mantang 23,260 live births man an repeat pregnancy.
Siringman, nakakaalarma soboot an kaso kan mga edad 10-14 years old na nabados kan 2023 an naglangkaw sa 3,342 gikan sa 1,629 kan 2013.
Nahahandal man si DOH Assistant Secretary Albert Domingo na pira sa mga tinamaan kan human immunodeficiency virus (HIV) na nangyari sa saindaang enot na sexual contact kan 16 anyos alagad an paggamit kan contraceptives an ginibo pa sana kan 17 na.
Pigrekomenda ni Domingo na pag-adalan man an amay na pagtutukdo dapit sa puberty, imbes na puonan ini sa 11-anyos.
Soboot, posible man ikonsiderar an pagtatao nin age-appropriate asin culturally sensitive information sa mga edad 8 hasta 9-anyos.
