Nagpahiling ngunyan si Pope Francis nin marahay na improvement sa saiyang salud makalihis na maospital nin pirang semana.
Sigun ki Dr. Sergio Alfieri, makalihis nindang bisitahon an Santo Papa sa istaran kaini kan nakalihis na aldaw nin Miyerkules, na iyong tulong aldaw nang nakalihis magpuon kan pagkakadischarge kaini sa ospital, pinagtutubudan ngunyan na mabalik an natural na kusog kan Santo Papa sa mga masunod na aldaw pa.
Paliwanag kan doktor, nababawi na ni Pope Francis an kusog kaini na magtaram asin magin an pagigin dependent kaini sa supplemental oxygen ay nabawasan na man mantang an mobility man kan saiyang braso kawsa sa nagin unspecified trauma antes pa man maospital an Santo Papa ay nangangaipuhan nin orog na mas halabang panahon pa tangani dagusan ining maibalik.
Mientrastanto, aminado man si Alfieri na natatakot ini kan enot na posibleng dae kayanon kan Santo Papa makalihis na madiagnosed ini nin sarong respiratory crisis.
Sa ngunyan ay padagos na nagsasairarom sa pagpapabulong an Santo Papa na pwede pa man na magdurar nin pirang bulan mantang nagsasairarom sa mga therapy tangani padikit-dikit ay maibalik sa dating kusog kaini.
