Nailubong na sa saiyang huling hantungan an lider kan Simbahang Katolika na si Santo Papa Francisco ngunyan nin Sabado, Abril 26.
Pribado asin simple an isinagibong seremoniya sa paglulubong sa Santo Papa sa Saint Mary Major Basilica siring kan saiyang kahurotan.
An sarong grupo kan mga marginalized people an pig-enkaminar man na magpilsa sa mga lakdang kan saiyang huring hantungan sa Basilica di Santa Maria Maggiore, sa pagtatapos kan funeral procession.
Sa saiyang final testament, pighurot ni Pope Francis na mailubong sa pag-ultanan kan Chapel of the Salus Populi Romani asin Sforza Chapel, na nakapaloob sa Basilica of Saint Mary Major sa Roma imbes na sa Grotto sa St. Peter’s Basilica.
Si Pope Francis an kaenot-inutong Santo Papa na inilubong sa luwas kan Vatican sa laog kan sarong sarong siglo.
Pighagad man kan Santo Papa na magin simple an saiyang puntod na mayong partikular na ornamentation asin sulamenteng inscription sana na “Franciscus”.
An St. Mary Major an espesyal sa yumaong Santo Papa huli sa saiyang debosyon ki Mary na ina kan Diyos. Digdi madalas nagpapangadyi si Pope Francis antes asin pagkatapos kan saiyang mga biyahe sa ibang nasyon.
Mientrastanto, naenot nang pig-anusyar kan Vatican na pwedeng bisitahon kan publiko an puntod ni Pope Francis puon sa Domingo, Abril 27.
