Padagos na nagmamaray an salud ni Pope Francis sigun sa nagin pahayag kan Vatican kan nakalihis na Huwebes kun saen nagin mahimbing soboot an turog kan Santo Papa.
Kan nakalihis na Lune na banggi, pig-anunsyar kan Vatican na an prognosis kan Santo Papa an bako nang kritikal na nagpapahiwatig kan positibong pagrahay kaini.
An 88-anyos na Santo papa an nasa Gemelli Hospital sa Rome puon pa kan nakalihis na Pebrero 14. Pirang semana na man na nagpaparahay an Santo Papa dapit sa serye kan mga huma na pigkakahampang kaini kan mga nakalihis na taon.
Kan nakalihis na taong-2022, pigkanselar kaini an mga pagbisita sa Africa huli sa problema sa tuhod, na nagdara sa saiya na maggamit nin tungkod o wheel chair.
Kan nakahilis na Marso 2023 man, naospital ini sa Roma huli sa sarong respiratory infection, asin pirang bulan sana an nakalihis nagsairarom ini sa operasyon sa tula para sa sarong hernia.
Katakod pa kaini kan maireport kan Vatican na nahulog si Pope Francis sa saiyang istaran asin bahagyang nakulogan an saiyang walang braso.
Mientrastanto, kan ini 21-anyos hinali an parte kan saiyang baga huli sa life-threatening pneumonia asin tolong cysts.
Madalas kaining iistorya an naeksperyensiyahan na saro sa mga nagbusol sa saiya tanganing magbali sa mga Jesuit.
