Nakipaghilingan si Pope Francis sa mga miyembros kan medical team sa Vatican.
Digde, mahihiling na pinasalamatan kan 88-anyos na Argentinian Pope an mga medical team huli sa pagsalbar sa saiyang buhay. Nagtinir kaya nin labi limang semana an Santo Papa sa Gemelli hospital sa Rome huli sa helang kaining double pneumonia.
Maabot sa 70 na mga doctors asin staffers kan Gemelli hospital an nagpartisipar sa meeting na iyong naghiling sa salud kan Santo Papa sa laog kan 38 aldaw.
Ini an pinakahaloy na nagtinir sa ospital an Santo Papa sa laog kan saiyang 12-taon sa puwesto.
Maski na nakaluwas na sa ospital an santo Papa, pig-abisuhan pa man ini kan saiyang doktor na magpahingalo.
Dae na sierto kan Vatican kun mapartisipar sa mga aktibidad kan semana santa an Santo Papa.
