Napugolan kan mga Ukrainian authority an porbar na paggadan ki Ukrainian President Volodymyr Zelensky.
Sigun ki Vasyl Malyuk namamayo kaj Security Service of Ukraine (SBU) na nangyari an pagporbar sa buhay kan saindang Presidente mantang ini nasa Rzesvzow airport sa Poland.
An nasambitan ng suspek an sarong Polish citizen asin dating soldados na nirecruit pirang taon na an nakakalihis.
Nagkapira sa mga plano kaini iyo an paggamit kna FPV drones asin sniper weapons.
Pinasalamatan ni Zelensky an SBU asin Polish Internal Security Angency huli ta tulos na naarestar an suspek.
Bako sana ini an enot na pagkakataon na pigporbarang gadanon si Zelensky huli ta kan nakalihis na taon, pirang mga soldados man sa Poland an nagporbar sa buhay kaini.
Kadaklan sa mga naarestar ninda, nagtatrabaho o igwang koneksiyon sa Russian FSB.
Mientrastanto, nasa United Kingdom an Ukrainian President tanganing makaulay si King Charles III.
