Pigpatanid kan Department of Agriculture (DA) na pwedeng magkaigwa nin kakulangan nin mga sugok sa bulan kan Abril.
Paliwanag ni DA Sec. Francisco Laurel Jr., nagkaigwa nin sobrang suplay kan mga sugok kan nakalihis na taon na nagresulta sa pagbagsak kan far,-gate price sa P4 kada pidaso kan sugok.
Soboot, kadakol na local producers an nalugi kun saen kinaipuhan kan mga ini na bunuon na sana an saindang mga ataman na manok tanganing magkita maski papano nin kwarta.
Sigun pa sa sekretaryo, napababa kaini nin dakula an populasyon kan mga nagsusugok na inahing manok na posibleng makaapektar sa suplay kan sugok sa masunod.
Sinaysay pa ni DA Chief na kaipuhan kan local poultry raisers nin hatching eggs kasabay kan pagpupuon kan paglangkaw kan demand para sa nasambitan ng commodity.
Naglalaom man an sekretaryo na masisimbagan pa an nakaambang na kakulangan nin suplay kan sugok.
Pig-enkaminar man kaini an financial institutions na magtao nin pondo tanganing suportaran an repopulation efforts kan industriya.
Pwede soboot makatabang an nasambitan ng lakdang tanganing mapugolang mangyari an krisis kaparehas kan sitwasyon na nakaapektar sa Amerika kun saen nagresulta an avian ifuenza outbreak sa culling kan milyun-milyong inahing manok.
