Positibong nahihiling kan Philippine Ports Authority (PPA) na padagos na mauswag asin makusog an cruise industry sa nasyon ngunyan na taon makalihis magbisita an duwang international cruise ship na pirang mga primerong destinasyon sa Pilipinas kan nakalihis na bulan sana kan Enero.
Nagdaog kaya sa Bohol an Maltese-flagged cruise ship na MS Europa 2 na igwang lunad na labi sa 400 na pasahero na an kadaklan gikan sa Germany asin pirang parte kan Europa.
Liwat man nagbweltada an MV Norwegian Sky sa Manila South Harbor kan nakalihis sanang Enero 31 makalihis an nagin pagdaong asin pagbisita kan nakalihis na Enero 17.
Lunad kaini an haros dae mababa sa 2,000 na mga pasahero na kadaklan man mga Pilipino.
Sigun sa pamayuhan kan PPA, nagpakol na sa 142,574 an cruise passenger arrivals kan nakalihis na taon na 61.9% o labi na mas halangkaw kumparar kan nakalihis na taong 2023.
Target man ngunyan kan ahensiya na mapakol ini sa 180,000 na 29.8% na mas halangkaw sa nakalihid na datos kan taong-2024.
Sa ngunyan man an padagos na nagpapatindog nin mga bagong cruise terminals an PPA sa manlaen-laen na parte kan nasyon siring sa Coron, Aklan, Camiguin, asin Puerto Galera.
