Pinangenutan ni Executive Secretary Ralph Recto kan Enero 7 an sarong halangkaw na antas kan pagtiripon para siertuhon an kapreparaduhan kan Pilipinas sa pagho-host kan 48th asin 49th ASEAN Summits asin iba pang katakod na pagtiripon sa 2026.
Pig-urulayan sa pagtiripon an mga plano sa logistics, procurement, asin ahensya-specific work plans, kaibahan an mga opisyal gikan sa DPWH, DOT, DSWD, DICT, DBM, DMW, DFA, DTI, DILG, DND, DOTr, DOLE, OWWA, asin CAAP.
Nakatakda an 48th ASEAN Leaders’ Summit sa Cebu sa Mayo 8-9, mantang an 49th ASEAN Summit sa PICC, Nobyembre 10-12. Antes an leaders’ meetings, ikukundusir sa Cebu an ASEAN Foreign Ministers’ Retreat (Enero 25-29) asin ASEAN Tourism Forum (Enero 26-30).
Komo parte kan selebrasyon, pangengenutan man kan Pilipinas an 50th anniversary kan Treaty of Amity and Cooperation sa Hulyo 24 sa PICC.
Sa kabilogan, piglalaomang 208 clustered ASEAN meetings o labi sa 650 total meetings an ikukundusir sa bilog na taon, na may mahigot na seguridad orog na sa leaders’ summits.
