Nanindugan si Department of Public Works and Highways (DPWH) Secretary Manuel Bonoan na updated si Presidente Ferdinand Marcos Jr sa saindang mga piggibong lakdang dapit sa kontrobersyal na flood control projects.
Sigun ki Bonoan na pig-iba pa ini kan Presidente sa mga inspeksiyon asin regular man ining nagtatao nin report.Magin an mga ipinautob na paghali, suspensiyon, asin pagsisiyasat an ipinapaabot sa punong ehekutibo.
Sa ngunyan sampulong opisyal kan DPWH Bulacan an hinali sa saindang mga pwesto asin ibinugtak sa “floating status”.Katakod kaini, liwat nanindugan si Bonoan na dae ini mabutas sa saiyang pwesto.
Imbes, ipinahayag kaining ipagpapadagos an imbestigasyon sa mga iregularidad, partikularmente na sa Bulacan, kun saen naaraman an mga proyektong bayad na alagad mayong aktuwal na konstruksiyon.
Dugang pa kan opisyal, nagtitinir na bilog an tiwala kaini sa saiyang mga personahes asin sa kakayanan kan ahensiya na linigon an saindang kabuhan.
