Pigpahimutikan kan Malacañang an spekulasyong harani si Presidente Ferdinand Marcos Jr. ki dating congressman Zaldy Co, sa tahaw kan sunod-sunod na akusasyong piggagapo kaini kontra sa Presidente.
Sigun ki Palace Press Officer Atty. Claire Castro, mayong maski anong ebidensiya o senyales na igwang personal na “closeness” an duwa.
Kun nagkakaulay man soboot sinda, trabaho sana asin mayong personal na ugnayang puwedeng gibuhong basehan kan mga alegasyon.
Pigtawan duon pa kan Palasyo na ginagamit sana soboot ni Co an isyu tanganing isalbar an sadiri sa tahaw kan nagdadakulang kaso asin kontrobersiyang kinaiimbweltuhan kaini.
Malinaw soboot na puro dae totoo an pigpapakuriyat ni Co asin malinaw na taktika sana ini tanganing dulagan an saiyang paninimbagan.
