Pigbilog ni President Ferdinand Marcos Jr. ang Independent Commission to Investigate Flood Control Anomalies na magsasagibo nin masusing imbestigasyon sa maanomalyang flood control projects.
Sigun sa Presidential Communications Office (PCO), pigsususgo an independent commission na aramon an mga iregularidad, panimbagon an mga imbwelto asin ibweltada an tiwala kan publiko sa paggastos para sa imprastraktura.
Dugang pa kan PCO, an lakdang na ini an patotoo kan pusog na paninindugan kan administrasyon na wakasan an korapsyon, patibayon an mga institusyon, asin maghatod nin tapat asin epektibong serbisyo publiko sa irarom kan administrasyong Marcos.
Naeot nang pigpuonan kan Senate Blue Ribbon Committee an moto proprio inquiry hinggil sa isyung “Philippines Under Water”, tanganing imbestigaran an mga ghost projects, substandard na proyekto, asin mga kontrata katakod sa flood control.
Mantang pig-eenkaminar man an House of Representatives an DPWH asin 15 kumpanyang nakakua nin 20% kan flood control projects puon 2022 para sa sarong pagdangog na nakatalaan sa September 2, 2025.
