Nasa Kuala Lumpur Malaysia na si Presidente Ferdinand Marcos Jr para sa pagpartisipar sa 46th ASEAN Summit and Related Summits.
Marurumduman, pighatod an Presidente asin si First Lady Liza Marcos kan Philippine Airlines Flight PR001 asin nag-abot sa Kuala Lumpur International Airport eksaktong 5:41 nin hapon kasuudma, May 25, 2025
An first couple an pigsabat kan Philippine Ambassador to Malaysia na si Maria Angela Ponce.
Mientrastanto sa departure speech man kan Presidente, nagpromesa ini na liwat na papapusugon an relasyon kan nasyon sa mga pag-iriba kaining ASEAN leaders.
Pigtawan duon kan Presidente na importante an pagkasararo orog na an pagtutok sa climate change, ekonomiya asin digital disruption para sa ikakauswag kan gabos.
Apwera digde, magkakaigwa man nin pag-urulay dapit sa regional bloc sa bagong taripa na pigpataw kan United States.
Sa ngunyan, padagos na ibubusol kan Punong Ehekutibo an matuninong na pagresolbar sa international law siringman an commitment kaini para sa pusog na dedikasyon sa
ASEAN.
