Bukas si Presidente Ferdinand Marcos Jr. na isairarom sa witness protection program an mag-agom na Discaya makalihis nindang pangaranan an nagkapirang lehislador na soboot imbwelto sa anomalya sa flood control projects.
Sigun sa Presidente, kun sinda an mapatotoohan na kwalipikado, posible sindang tolos na mapasairarom sa programa.
Alagad maski dae pa sinda pormal na state witness, pigsierto kan Presidente na mahiro an mga otoridad kun enkaso igwang huma sa saindang buhay.
Paliwanag pa kan Punong Ehekutibo na gigibuhon ini kan gobierno bako sana para sa imbestigasyon, kundi para man sa responsabilidad kan estado na siertuhon an kasalbaduhan kan kada Pilipino.
Sisiertuhon pa kan Presidente na mahigot na susurion kan bibilugong independent commission an mga alegasyon kan mag-agom na Discaya.
Dae pa soboot ini maapod na “rebelasyon” kundi alegasyon pa sana huli ta kaipuhan pa nin bastanteng ebidensya.
