Nakakua nin pag-omaw gikan sa chairman kan Philippine Sports Commission (PSC) an pambansang koponan kan mga kababaihang futsal kan Pilipinas makalihis an saindang matapang na laban sa FIFA Futsal Women’s World Cup 2025.
Dinaog an Filipina5 kan powerhouse na Argentina, an ika-anom na ranggong koponan sa kinaban, sa sarong 1-5 na laban kan Huwebes nin pagkabanggi. Sa ibong kan pagkadaog asin pagtatapos kan saindnag kampanya na may rekord na 0-3—pig-omaw pa man an Filipina5 kan labi sa 2,800 na mga tagahanga na nag atendir sa PhilSports Arena.
Binati ni PSC chairman Patrick Gregorio an mga parakawat asin ipinahayag an saiyang pagtubod na kayang makahabol kan Pilipinas sa mga pinakamakukusog na nasyon sa ladangan nin futsal.
Nagtao si Isabella Bandoja nin kaogmahan sa mga Pilipinong tagahanga sa secod quarter kan laban kan mailaog kaini an sulamenteng goal kan koponan laban sa Argentina. Sigun ki John Gutierrez, presidente kan Philippine Football Federation (PFF), an goal ni Bandoja an bako sana sarong parte kan histroya kundi sarong “pahayag” gikan sa saindang koponan.
Antes man an laban na ini, nadaog man an Filipina5 sa Poland sa iskor na 0-6, sarong koponan na mas halangkaw an ranggo, asin nakamate nin sarong nakakabiglang pagkadaog laban sa Morocco, 2-3, kun saen nasayang an saindang duwang goals na kalamangan.
Alagad naogma si Gregorio sa ipinahiling na laban kan koponan sa saindang primerong pagkakataon na magbali sa torneo. Pigtawan duon ni Gregorio na may mas dakulang obheto an hosting kan torneo iyo an pauswagon an futsal, ipahiling na kayang magtrayumpo kan mga Pinoy, asin man itampok an nasyon sa kinaban.
Binalikan kaini an saro nindang meeting ni FIFA President Gianni Infantino, kun saen piglaog ni Gregorio an kaso para sa football sa Pilipinas.
Pigpromisa ni Infantino na tutulungan ninda an nasyon tangani magin saro sa top three sports an football, sa tabang kan PSC asin PFF.
