Nagpahayag nin pagkahadit si Presidente Ferdinand Marcos Jr. kontra sa mga “agitator” o manunulsol tanganing magkawsa nin kariribukan sa ikukundusir na “Trillion Peso March” sa Nobyembre 30 sa pagpapadagos kan serye kan hiro protesta kontra sa korapsyon.
Ginibo ni Marcos an pahayag sa sarong press briefing sa South Korea kan haputon kun naghahadit ini na dakol na grupo an nagpaplanong magprotesta liwat kontra sa haloy na aksyon kan gobierno kontra sa mga tiwaling opisyal asin kontratista kan gobierno.
Pigpunto kaini an mga demonstrador na nagdadara kan molotov cocktail sa rally na dapat soboot ipagkahadit.
Nangangapudan si Marcos Jr. sa publiko na likayan an marahas na aksyon sa panahon kan mga protesta.
Pigpahiwatig man ni Marcos na naiintindihan kaini an saloobin kan mga mawot maghiro protesta huli sa sobrang pang-aabuso sa pondo kan gobierno na dapat mapaduman sa mga tawo.
