Nangapodan si Presidente Ferdinand Marcos Jr. na sunudon an tamang proseso sa preventive suspension na pigluwas kan Ombudsman kontra ki Cebu Governor Gwendolyn Garcia.
Pigtawan-duon kan Presidente na anuman na lakdang na makakaapektar sa mandato kan elihidong opisyal an dapat mag-agi sa tama asin legal na proseso, alinsunod sa Konstitusyon asin Omnibus Election Code ngunyan na panahon kan eleksiyon.
Sinaysay kan Punong Ehekutibo mantang dae nareresolbaran an mga kahaputan mapadapit sa suspensiyon ni Garcia, nararapat sana na itrato nin patas asin tawan nin respeto orog pa ta haloy na ining nagsisirbi nin igwang katapatan.Kun marurumduman, pig-endorso kan One Cebu, kan political party ni Garcia an Presidential campaign ni Presidente Marcos kan nakalihis na 2022 elections.
Naenot nang pigkuwestiyon ni Garcia an timing kan kasuguan asin pigtawan-duon na dae ini mababa sa saiyang pwesto.
Kasuodma, pigpuonan na an rollout sa P20 kada kilo kan bagas sa Cebu.
