Tinintaan ni Presidente Ferdinand Marcos Jr. an Republic Act No. 12145 na nagrereorganisar sa National Economic and Development Authority (NEDA) komo Department of Economy, Planning, and Development (DEPDev).
An DEPDev an magigin mayor na ahensya kan gobyerno sa pagpaplano, pagbabalangkas kan polisiya, asin pagsubaybay sa mga programang pangkaunlaran.
Obheto kaining siertuhon an koordinado asin man episyenteng paggamit kan mga yaman kan nasyon asin gobyerno an public investment program.
Matalaga man ini nin long-term vision asin 25-taong development framework para sa sustenableng pag-uswag kan nasyon.
An sekretaryo kan Department of Economy, Planning, and Development (DEPDev), komo chief economist, an magtao nin payo sa Presidente asin Gabinete dapit sa ekonomiya.
Matinir na kaakibat kan Department of Economy, Planning, and Development (DEPDev) an mga dating attached agencies kan National Economic and Development Authority (NEDA) siring kan Philippine Institute for Development Studies asin Public-Private Partnership Center.
Magkakaigwa man ini nin regional offices sa bilog na nasyon, apwera sa NCR asin BARMM.
Pinapakusog kan ley an koneksyon kan planning asin budgeting sa paagi kan pig aapod na Planning Call, na obhetong gibuhon na mas epektibo asin man transparent an paggamit kan pondo kan bayan.
An National Economic and Development Authority Board an rereorganisahon komo Economy and Development Council na pamamayuhan kan Presidente.
Magigin epektibo an ley 15 aldaw makalihis na mailathala.
