Piglalaoman kan Department of Energy (DOE) na malangkaw an presyo kan diesel asin kerosene sa masunod na semana basado sa paenot na pagkakarkulo kan ahensiya.
Sigun sa datos gikan sa enot na apat na aldaw kan trading, posibleng maglangkaw an diesel kan P0.80 kada litro asin kerosene kan P0.45 kada litro, mantang an gasolina man an pwedeng bahagyang magbaba nin P0.05 an kada litro.
Binggait kan DOE na paenot na pagkakarkulo pa sanang ini asin dae pa kaibahan an iba pang gastos asin premiums kan mga oil company.
Dugang kan ahensiya na an mga world tensions asin pagbabago sa demand, partikularmente gikan sa US, EU, asin China an padagos na nakakaapektar sa presyo kan krudo asin posibleng sa presyo sa mga konsumer.
Advertisement
Advertisement
