NAGA CITY – Pigreport kan Philippine Statistics Authority (PSA) an paglangkaw sa presyo kan pirang mga pangenot na bakalon sa nasyon hasta sa pagtatapos kan bulan nin Hunyo.
Basado sa sa pinakahuring monitoring kan ahensya, nahilingan nin langkaw-presyo an pigpapabakal na karne kan orig, luya, asin magin an kamatis.
Nagluluwas na duwang piso an piglangkaw kan kada kilong presyo kan orig gikan sa dating P303.76 pasiring sa P305.30.
An retail price kan kamatis an nahilingan man nin haros sampulong pisong paglangkaw. Nagpakol na sa P80.07 an kada kilong retail price kan kamatis gikan sa dating P71.47.
Para sa mga produktong luya na pirang semana nang pigbabantayan kan Department of Agriculture (DA), nagsakat na sa P200.88 an kada kilo kaini sa huring parte kan Hunyo gikan sa dating P185.87 kada kilo. Ini an igwa nin paglangkaw na haros P15 kada kilo.
