Dagsa na an mga parabakal nin pangregalong burak sa Dangwa market ngunyan na aldaw nin mga Puso.
Magin an bulos soboot ngani kan trapiko an haros igwa man nin pagluya huli man sa dakol nin mga nagbabakal asin nagpapagibo nin flower arrangement para sa saindang loved ones.
Ngunyan na aldaw, nagpakol na sa P1,500 hasta sa P3,500 an sarong bouquet nin rosas alagad depende pa man giraray ini sa design asin mga kaibang stuff toys o chocolate. Nasa kantidad man nin nasa P1,000 hasta P2,500 an assorted flowers.
Nagtitinir man sa P200 an kada pidaso nin rosas alagad makukua an bundle kaini sa kantidad na P1,500.
Mayo man pinagbago an presyo kan kada pidaso kan sunflower, stargazer, carnation asin daisy na nasa P150 hasta P250.00.
Bako sanang burak an ipapabakal sa flower market na puwedeng pang-regalo ngunyan na Valentine’s day kundi igwa man nin stuff toy sa kantidad na P120 Hasta P750.00. An chocolate bouquet man nasa P300 hasta P1,500.00.
Mantang an transparent na lobo na may burak sa laog kaini pigpapabakal sa kantidad na P50 hasta P150.00 depende sa sulol asin klase kan burak na pigbubugtak.
