Liwat nagpagirumdom an Department of Trade and Industry (DTI) na otomatikong nag-iiral an price freeze para sa mga pangenot na barakalon.
Ini sa mga lugar na pigdeklarar asin pigsairarom sa state of calamity huli sa pagtama kan makusog na linog.
Sigun sa Trade Department, nagsasagibo na sinda nin masusing monitoring katabang an mga regional asin provincial office kan tanganing malikayan an pagsasamantala kabali na an overpricing asin hoarding.
Pig-enkaminar man kan opisyal an mga negosyante na pairalon an makatarungang kalakalan sa tahaw kan krisis.
Pigsierto man kan ahensya na padagos nindang poproteksyunan an mga consumer magin an mga negosyante na pinadapa kan magkakasunod na kalamidad tanganing makabuhat asin magin pusog liwat.
Mientrastanto, inabisuhan na man kan DTI an mga apektadong consumer na i-report tolos sa saindang consumer-care an posibleng pananamantala sa presyo kan mga barakalon.
