Target mailuwas an price guide para sa mga Noche Buena products sa bulan nin Nobiyembre sigun ki Acting Trade Secretary Cristina Roque.
Pinag-aadalan pa kaya sa ngunyan kan Department of Trade and Industry (DTI) enkaso saindang aaprubaran an paghiro sa mga presyo na pighuhurot kan mga manufacturer. Alagad sa ngunyan, sigun sa DTI official, mayong umento sa presyo kan mga Noche Buena product.
Magigirumdoman na kan 2023, an mga presyo kan mga Noche Buena products siring kan mga hamon asin prutas na mga cocktail nanutaran nin paglangkaw.
Pig-ugnay kan DTI an paglangkaw kan presyo kaidto sa paglangkaw kan kantidad kan packaging materials, labor, power asin distribution basado na man sa mga manufacturer.
