Gadan an Prime Minister kan Houthi government sa Yemen kaibahan an nagkapirang ministro makalihis an airstrike kan Israel sa kabisera na Sanaa, ayon sigun sa report kan news agency na pigpapadalagan kan grupo kan nakalihis na Sabado.
Sigun sa report, nagkapira pang opisyal an irido sa pag-atake kan nakalihis na Huwebes.
Kinumpirmar kan Israel kaining Biyernes na an nasambitan ng operasyon an nakatuon kontra sa mga haralangkaw na opisyal kan grupong kaalyado kan Iran, kaibahan an chief of staff, defense minister, asin iba pang senior officials.
Padagos pang pigbeberepika an resulta kan operasyon.
Dae man malinaw kun kaibahan sa mga binawian nin buhay an Houthi defense minister.
Binisto an nagadan na si Ahmad Ghaleb al-Rahwi, na nagsirbing Punong Ministro sa laog kan haros sarong taon.
Sigun sa mga Houthi, si Al-Rahawi an tinarget mantang nag-aatendir sa sarong workshop kaibahan an iba pang opisyal kan saindang gobyerno.
