Ipigkundusir sa Philadelpia Constitution Center an primerong Presidential Debate ni dating Presidente Donald Trump asin Vice-President Harris.
Sa entrevista kan Bombo Radyo Naga ki Virginia Contreras, BSN, CCRN, JD (Bombo International News Correspondent From San Francisco California), sinaysay kaini na an mga audience limitado sana sa ohbeto na masierto nin magkaigwa nin matuninong na debate orog na an seguridad kan duwa.
Ipigheras pa kaini na kadaklan sa mga residentes kan US an piglalaoman na Si Kamala Harris orog na kun mangagana ini komo Presidente an mafocus sa agenda sa inclusion, diversity, asin derechos kan Lgbtq+, derechos kan mga kababaihan sa issue kan abortion, mantang an ki Trump an focus kan agenda kan economy, inflation control, asin an pagpapauli kan mga illegal immigrant sa Amerika.
Dugang pa kaini igwa nin lawig na 90-minutos na debate orog na tangani na mataanan nin pagkakataon an duwa na masimbagan an lambang mga agenda kan duwa. Mahigot an seguridad sa parte kun sain pigkukundusir debate, orog na ta dae pwede na basta-basta may makakalaog na dae otorisado.
Marurumduman an pagkaiba nin siring na debate pigmawot na magin matrayumpo orog na tangani dae na liwat mangyari an nagin assassination ki Dating Presidente Donald Trump. Ipigheras man kaini an stage kun sain nagkundusir nin debate an igwa nin bullet proof na salming na dae mahihiling asin ini an nakalaog sa sarong aquarium asin napapalibutan nin mga kapulisan asin maibitaran an maraot na attempt sa duwang lado. Pigheras kaini an kalamangan ni VP Harris kun sain sarong prosecutor o abogado, nagin senador, huben asin mas aggresibo an kaisipan.
Mantang si Trump naman pag-nagatataram an mayu na nin direksyon asin yaon an pang-iinsulto sa katungali. Siringman, nahihiling kaini na talagang may advantage si Harris kasya kay Trump.
Dugang pa kaini an mga mamayan kan Amerika an nakakapagpli kan saindnag nagugustuhan na kandidato kumparar na sa PIlipinas na uso an Bandwagon.
Sa ngunyan nagpopoon naman soboot an magboto an mga bontante sa lugar sa paagi kan in-person vote o vote by mail sa mga estado sa lugar na malilipot, kun sain madurar na sana ini sa Nobyembre 4 sa presenteng taon.
Nahiling man na sa enot na nagin debate ni Trump asin Biden na talagang naluhayan, an presenteng debate ngunyan ni Harris asin Trump an nangyari. Sa ngunyan nakadepende soobot ki VP Kamala Harris kun mag kakaigwa pa nin sunod na debate orog na kun magtugot liwat ini, mantang an eleksyon man sa Amerika an igwa nin in-person o mail voting na madurar hasta Nobyemre 5.
Apwera pa sa eleksyon an sentencing kay Trump pig liwat sa Nobyembre 26 huli sa ini an may kinakahampang na kaso.
