NAGA CITY – Pigtawan-duon kan principal sa Goa Central School sa Goa, Camarines Sur an importansya sa pagbabalik sa dating school year calendar.
Sa entrevista kan Bombo Radyo Naga ki Oscar Parola, Principal kan nasambitan ng eskwelahan, sinaysay kaini na an saindang lado an pirming nagsusunod sa polisiya kan DepEd.
Antes man kaya sinda nagbaba kan siring na kasugoan, pig-aadalan man ninda ini nin marhay.
Mientrastanto, mabweltada naman an kralasehan sa Hunyo para sa masunod na school year komo intervention sa naeeksperyensiyahan na labing ining kan panahon.
Katakod kaini, nagpagirumdom man an principal sa mga magurang na pirming padarhon nin extran bado an saindang mga aki, siring man an tubig tanganin magtinir na hydrated an mga aki.
Dugang pa digdi, kun nanunutaran kan saindang mga paratukdo na labi an init kan panahon, pigsususpende na ninda an klase basado naman DepEd Order.
Sa ibong na lado, labi man an pasalamat kaini sa dugang na medalya na nakua nanaman kan saindang mga estudyante gikan sa International Competition.
Pigtawan-duon pa ni Parola na an edukasyon an susi para sa pag-uswag.
