Aram baya nindo mga ka-bombo, sarong pribadong isla sa kanlurang baybayin kan Wales an pigpapabakal sa kantidad na million ($4 million).
An bistadong Thorne Island, an makukua gikan sa Pembrokeshire, na igwang hewas na 2.49 acres asin igwang 19th-century fort. Ipinatindog an fort kan taong 1852–1854 komo parte kan depensa kan Britain kontra sa posibleng pag-atake ni Napoleon.
Nagsirbi ini komo hotel asin pribadong istaran. Napag-araman na binakal ini ni British tech entrepreneur Mike Conner kan taong-2017 sa kantidad na £500,000 asin ginastusan nin labi £2 million para sa restoration, kaibahan na an renewable energy systems na ginibong self-sufficient an isla.
Igwang mga pasilidad ini siring kan helipad, rooftop bar, games room, asin accommodations para sa 20 bisita.
Sigun ki Conner, pwede ining gibuhong luxury retreat, event venue, o pribadong bakasyunan para sa mga naghahanap nin total seclusion.
