Tinawan-duon ni Police Brigadier General Randy Glenn G. Silvio, Regional Director kan Police Regional Office 5, an importansya kan pagpapakusog kan pwersa asin kagamitan tanganing mas mapahusay an seguridad sa rehiyon.
Segun ki Silvio, mahalaga an tama asin epektibong deployment kan mga tauhan asin kagamitan kan Regional Mobile Force Battalion (RMFB) para sa mas mabilis na pagresponde sa mga insidente asin kahaditan sa seguridad.
Nagbakal man an PRO 5 nin karagdagang search and rescue equipment, headgear, asin iba pang kagamitan bilang preparasyon sa mga operasyon asin emerhensiya. An Starlink internet devices man itatao sa kada probinsya para sa mas maayos na komunikasyon, partikular sa paggamit kan mga drone sa mga dakulang okasyon arog kan Peñafrancia Festival.
Pinaigting man an police visibility sa mga oras kan banggi, kun saen mas madalas mangyari an mga krimen. Kabali digdi an mas pinaigting na checkpoint operations, Oplan Sita asin regular patrol bilang parte kan crime prevention efforts.
Sinabi ni Silvio na an mga lider kan organisasyon na may halawig na serbisyo asin eksperyensya sa kapulisan makakatabang sa pagpapahusay kan pamamahala, pagsuporta sa mga tauhan, asin padagos na pagpauswag kan organisasyon.
