NAGA CITY- Padagos na pigtutukan kan lokal na gobierno kan siyudad nin Naga an problema sa pagbaha sa lugar.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na dakula man tabang an padagos na paglilinig kan kapalibutan asin mga waterways sa siyudad alagad igwa pa man giraray mga lugar na nag-aapaw an tubig tuyong igwang kalamidad o makusog an pag-uuran.
Boot sabihon, igwang mga dapat na lakdang an kaipuhang gibuhon tanganing masimbagan ini.
Saro sa mga pigpunto kan alkalde an pagbaha sa Julian Meliton Elementary school kun saen susog sa saindang pag-aadal, tuyong nag-uuran igwang mga nagluluwas na mga styrofoam o mga basura na gikan sa haraning junkshop.
Sigun ki Robredo, pirang beses na soboot pigkaulay an maysadiri kan junkshop na ini na pakarhayon an saindang operasyon, kun saen nagpatanid na enkaso dae masunod, ipapasara ini.
Apwera digde, labi-labing tubig an naglalaog sa nasambitan ng eskwelahan alagad sadit an luwasan na nagreresulta sa pagbaha. Katakod didge, igwa naman soboot assesstment na pigsagibo tanganing masimbagan an problema.
Mientrastanto, nakatalaan man na papapakarhayon pa an mga drainage sa siyudad nin Naga tanganing makasabay sa pangangaipuhan kan presenteng panahon.
