Padagos na kinakahampang kan nagkapirang residente sa Naga City an problema sa maluyang suply asin maating tubig, sigon yan sa mga reklamong nareresiber kan local water district.
Kabali an mga ini sa mga isyung ipinapaabot kan mga consumer lalo na sa mga lugar na naglalaom sa deep well bilang primerong pinagkukuanan nin tubig kan mga residentes.
Sa intrevista kan Bombo Radyo Naga ki Choppy Dela Cruz ng PIO ng MNWD Naga City, igwa nin kinaaraman an paghiro kan daga sa pagbabago kan kalidad kan tubid partikularmente sa mga deep well. Sigon ki Martin, posibleng magkawsa ini nin paghalo kan ati o sediment na nagiging kawsa kan paglibog kan tubid na nagbubulos sa mga kaharungan.
Bilang aksyon, nagsasagibo an ahensya nin regular na flushing sa mga linya kan tubig tanganing mahali an mga natipon na ati asin mapamarhay an bulos asin kalidad kan tubig. Apwera pa digdi, padagos man an saindang monitoring sa manlain lain na lugar tanganing tulos na maisihan an mga apektadong komunidad.
Inabisuhan man an mga residente na tulos na ireport an anuman na mga problema sa suply kan tubig tanganing matawan ini nin maninigong aksyon.Pigsierto kan MNWD na masagibo sindang lakdang tanganing masimbagan an mga reklamo asin mamantiner na ligtas asin sapat an suply kan tubig sa syudad nin Naga.
