NAGA CITY- Nagpapadagos ngonyan an pagbulos kan mga deboto kan imahe kan Itom na Nazareno sa Holy Cross Parish sa ciudad nin Naga.
Mag-uumagahon pa sana nagpuon nang maghalat sa nasambitang simbahan an mga deboto mantang nagpuon naman na magnovena an nagkapira sa mga ini.
Alas 6:00 man nin aga kan pangenotan ni Rev. Fr. Felix Abaño Jr., an Parish Priest kan nasambitang simbahan an misa mantang alas 8:00 nin aga, sasarahan man an nagkapirang mayor na tinampo sa ciudad na aagihan kan prusisyon na mapoon atyan na alas 6:30 nin banggi.
Napag-araman na ini an ika-29 taon kan pagselebrar nin kapistahan kan Poong Nazareno sa nasambitang ciudad.
Mientrastanto, apwera sa Naga City, mahigot man an pigpaputob na seguridad kan mga otoridad sa banwaan nin Calabanga sa probinsya nin Camarines Sur katakod kan kapistahan man kan Itom na Nazareno sa lugar.
Taon-taon, rinibong mga deboto asin bisita an nagpapasiring sa lugar para maghadok sa nasambitang imahe.
