Pigsierto kan Bangko Sentral ng Pilipinas (BSP) sa publiko an dagos-dagos na produksiyon kan kwartang papel asin mga barya sa tahaw kan piglalaoman na paglangkaw kan currency demand ngunyan na Christmas season.
Sa sarong statement, sinaysay kan BSP na kadalasang naglalangkaw an demand para sa bago asin malinig na kwartang papel asin barya tuyong holidays huli sa tradisyunal na pagtatao kan mga Pilipino nin mga regalong kwarta o aguinaldo para sa saindang mga inaanak, kaparientes asin amiga.
Pinagirumdoman man kan Bangko Sentral ng Pilipinas an publiko na libre an pagpaparibay nin banknotes asin coins kabali an unfit currencies para sa malulutong na cash sa mga bangko.
An mga unfit banknotes an maati, igwa nin mantsa, may mga surat, asin igwa nin kupas na letra mantang an unfit coins man an igwa nin markings asin may kalawang. Pig-enkaminar man kan Bangko Sentral ng Pilipinas an publiko na ikonsidera an pagpapadara nin e-Aguinaldo imbes na pisikal na kwarta.
An pagpapadalra soboot nin cash gifts electronically an convenient asin episyente asin nagtataguyod nin mas inklusibo asin digital na ekonomiya kan nasyon.
