NAGA CITY- Pigtawan duon kan sarong professor sa siyudad nin Naga na an paggamit kan wikang English an dapat na isalugar kan sarong indibidwal orog na kan mga Pilipino.
Sigun ki Dr. Vasil Victoria, Professor sa Ateneo De Naga University dapat na maintindihan soboot kan mga estudyante siringman kan gabos na mga Pilipino na an English an bakong wika kan edukasyon.
Boot sabihon, dae pwedeng sapiritan na pataramon nin English an mga estudyanteng Pilipino orog na ta an wika na dapat soboot na ibusol an Filipino.
An nasambitan ng kapahayagan an igwang kinaaraman sa pag-implement kan sarong Unbersidad sa Rehiyong 4 dapit sa English Only Policy na nakaguno nin manlaen-laen na pangbabatikos sa publiko.
Dugang pa ni Victoria, maikokonsederar na baliktad na punto de vista kan sarong Pilipino kun mas eenoton o mas tatawan prayoridad an pagtaram sa lenggwaheng English.
Alagad pigsaysay man kan Professor na dae maraot an pagkakaigwa nin kakayanan na makapagtaram sa wikang English kaipuhan sana na isalugar ini tanganing magin karapat-dapat sa sitwasyon na kinamumugtakan kan sarong tawo.
Sa ngunyan, hagad na sana kaini sa mga estudyante na pangatamanan an wikang Filipino nin huli ta panalmingan man ini kan pagigin Pilipino.
