Barado sa Palasyo an propwesto ni Sen. Robinhood Padilla na obligaron an gabos nin nahalal asin itinalagang opisyal kan gobyerno na magpa-drug test.
Sigun ki Palace Press Officer Claire Castro, dae man sinda tutol sa propwesto alagad dapat munang pag-adalan ni Sen. Padilla an mga pigsusunad kaining propwesto huli ta baka aksaya sana ini sa oras asin pondo.
Paliwanag ni Castro, nakabugtak na sa desisyon kan Korte Suprema sa kasong Social Justice Society versus Dangerous Drugs Board kan nakalihis na taong 2008, na labag sa Konstitusyon asin man privacy kan indibidwal an mandatory drug test.
Sulamenteng random drug test an tinutugutan lan ley, kaya malabong maibusol an propwesto.
Sa irarom kaya kan nasambitan ng propwesto, pigbubusol man an mandatory drug test sa mga nag-a-apply nin driver’s license, mantang voluntary drug test sa mga kandidato kan eleksyon.
Marurumdumang kinuwestyon si Padilla makalihis maibugtak an pangaran kan saiyang dating staff asin aktres na si Nadia Montenegro, sa isyu kan paggamit soboot nin marijuana kan sarong Senate staff sa laog kan establisyemento kan Senado kansuarin sana.
