NAGA CITY- Pigpaliwanag kan sarong prosecutor kun pano maaapod na arrest o surrender an sitwasyon kan sarong tawo na wanted sa ley.
Sa entrevista kan Bombo Radyo Naga ki Prosecutor Freddie M. Nojara, LLM, Criminal Law Professor and Lecturer/ Deputy City Prosecutor, Antipolo City, sinaysay kaini na sa kaso ni Pastor Apollo Quiboloy, dae ini boluntaryo na nagsuko nin huli ta kinaipuhan na mag-spend kan gobierno nin resources asin oras tanganing hanapon ini.
Sigun pa ni Nojara, maaapod sana na surrender an nangyari kun an sarong pugante an kusang i-submit o isuko an sadiri sa mga kapulisan tanganing hampangon an mga kasong pigdadaklag sa saiya.
Apwera digde, na corner naman soboot si Quiboloy kun kaya naarestrar ini asin posibleng tinawan nin ultimatum kan pambansang pulisya.
Katakod digde, sa korte mayong pakiaram kun enkaso naarestrar o nagsuko an sarong pugante nin huli ta an importante nakua na si Quiboloy tanganing makausad an kaso.
Pigsaysay kan Prosecutor na dae mahiro an kaso enkaso dae nakukua an akusado asin sinda an matinir na inosente sa mata kan ley hasta dae napatotoohan.
Pigtawan duo pa kaini na kun an mga biktima an igwang limang derechos an akusado an igwang 20 rights kun kaya kaipuhan na magsairarom talaga sa hararom na imbestigasyon.
