Pigbubusol kan sarong lehislador an prosopwestong libreng tuition para sa mga empleyados kan gobyerno na gustong magpadagos kan saindang pag-adal orog na an master’s degree lalo na an mga paratukdo sa pampublikong eskwelahan tanganing sinda ma-promote sa irarom kan expanded career progression system kan Department of Education (DepEd ).
An nasambitan ng prosopwesto an House Bill 8834 na pig sunad ni Rep. Brian Raymond Yamsuan. HB 8834 o an prosopwestong Free Master’s Degree Tuition for Government Employees Act.
Sakop kaini an career and non career wokers na yaon sa public sektor na mag-enroll sa state universties asin colleges (SUCs) tanganing kumpletuhon an saindang graduate studies.
Nangapudan si Yamsuan sa mga kapwa lehislador na aprubaran an nasabing ley tanganing makatabang ini sa rinibong mga paratukdo na gustong magpadagos kan saindang pag-adal.
Sa irarom kan IRR para sa career progression system kan mga paratukdo sa pampublikong eskwelahan na nakabalangkas sa Executive Order 174, an base kan sistema nin karera kan mga paratukdo sa pampublikong eskwelahan ay ibabali na ngonyan an mga dugang na posisyon sa pagtukdo kan mga Teachers IV hasta VII.
An mga posisyon kan Master Teacher I to IV iyo an mabibilog kan Classroom Teaching Career Line asin kabali an dagdag na posisyon kan Master Teacher V.
Mientrastanto, an School Administration Career Line an masakop kan mga posisyon kan School Principal I to IV. An mga linya nin karera na ini nangangaipuhan nin dagdag na mga yunit nin akademya na naghahantong pasiring sa sarong master’s degree o an pagkumpleto kan sarong master’s degree.
Sa irarom kan bill, sakop kan libreng tuition an sarong master’s program na maabot sa duwang taon sa arin man na SUC na kun saen an empleyado kan gobyerno matrayumpong naghagad nin admission.
Segun pa man ki Yamsuan, an mga empleyado kan gobyerno na tinawan nin anuman na scholarship sa graduate education na pigtaguyodkan estado, pampubliko man o pribado, digdi o sa ibang nasyon; an may nakabinbin na kaso administratibo na imbwelto nin malalang pagkakasala; asin an mga dae nagsusunod sa admission asin retention policies kan SUC dae dapat maka-avail nin libreng tuition sa irarom kan prosopuestong ley.
