Labing 500 sa 3,700 na mga eskwelahan sa France an isinara mantang an mga estudyante padagos na nagpoprotesta sa bakong makatanosan na kamugtakan kan saindang mga eskwelahan.
Susog sa mga bagong bareta, rinibong mga nagpoprotesta an nakipaglaban sa mga riot police. An ibang mga tinampo pigsusulo man huli sa saindang pagkadisganar asin kaanggotan sa kamugtakan kan sektor nin edukasyon kan Pransia.
Kan Biyernes, sarong 17-anyos an pigreport na inarestar kan pulis huli sa pagporbar na gadanon an sarong pulis.
Mientrastanto, 170 na estudyante asin labi sa 65 na mga staff an nairido sa mga protesta, 40 sainda mga prinsipal sa hayskul. 100 na eskwelahan an grabe man an danyos huli sa mga madahas na protesta.
An mga protesta nagpoon sa Paris, an kabisera kan nasyon, asin poon kaidto naglakop na sa ibang mayor na mga syudad arog kan Montpellier, Nantes asin Marseille.
Nagpuon an protesta huli sa pagkadisganar kan mga estudyante sa administrasyon sa sektor, kun saen sinabi ninda na kulang an mga paratukdo asin pasilidad kan eskwelahan.
